WEST GARO:
Ki pulit ka Garo Hills kila ïoh ban kurup ïaka pistol bad kem noh ïaki 3 ngut ki runar na West Garo Hills haka por shiteng synïa katba ki dang pynlong ïaka jingthwet haka 14 tarik Risaw 2022.
Katkum u superintendent of police (SP), u V S Rathore u la ong ba kila ïoh jingtip shaphang ki kynhun bym man ba don bad ka tiar pynmynsaw ha Nikikona village ha Rajabala kaba hap hapoh ka jingmih jong ka Phulbari police station ha kaba kila ïoh ban kem ïaki ryngkat ka pistol, ka scooty bad kiwei kiwei.
Ki lai ngut ki runar kila tip kyrteng kum u Silman R Marak (30) uba naka shnong Komilapara, Garobadha, u Elias Alom (24) naka shnong Babupara, New Bhaitbari bad u Nur Hussain (22) uba naka shnong Gomaijhora, Sialkhandi.
Ki la registar ïaka case halor kane bad ka jingwad jingtip ka dang ïaid shakhmat.
