JOWAI:
Ka jingïalehkai phutbal kaba tip kum ka Chatister Kharkangor Memorail Trophy 1st Division Football TournamAent-2022, kaba la pynïaid da ka West Jaintia District Sports Association (WJDSA), Jowai, kaba la pynlong ha Kiang Nangbah Stadium Ladthadlaboh, Jowai, ha ka jingïakhun kaba la long mynta ka sngi 20.10.2022, kaba la long hapdeng ka Shangpung Moosyiem SC pyrshah ïa ka Dulong SC, ka Shangpung Moosyiem SC kala pynliem ïa ka Dulong SC da 2-1 kol, lyngba ki kol kiba la thep da u Kenny Langbang ha ka minit kaba 15 bad u Mewotki Sungoh uba la pynbud sa ka kol kaba ar jong ka Shangpung Moosyiem SC ha ka minit kaba 48 jong ka jingïalehkai.
Katba ka 1 kol jong ka Dulong SC la ïoh ban thep da u Clifford Lytan ha ka minit kaba 50 jong ka jingïalehkai.
Ka Dulong hadien ba ka la ioh ban thep ïa ka 1kol ka la ïakhun tyngeh kumno ban ioh khur ïa ka 3 poiñ ha kane ka sngi hynrei ka Shangpung ka la khanglad ïa ki naduh ki rangïalehkai pdeng haduh ki ran-gïalehkai dien, bad kane ka jinglah jong ka Shangpung ban pynduh buit noh ïa ki, ka la pynlong ba kin khur ïa ka jingjop ha kane ka jingïakhun.
Ka jingïakhun ka ban long mynta ka sngi pat ka 21.10.2022 kan long hapdeng ka Luti Tuber Ïalong SC pyrshah ïa ka Sailung Ïalong SC haka por 2:30 noh phai sngi.
