SHILLONG:
U Symbud Myntri ba dei peit ïa ka PWD (Roads), u Bah Prestone Tynsong, u la pynbna myn ha ka sngi ba ar ba ïa ka surok na Lad Umroi sha Malidor, lem bad ka National Highway-6 ha East Jaintia Hills District, yn sa pynheh ïa ka surok sha ka saw lane.
“Ïa katei ka projek, la aiti noh sha ka National Highways and Infrastructure Development Corporation Limited (NHIDCL), bad dang shen, ki la pynlong da ka survey bad la don ka jingïatreilang bad ki deputy commissioner ba kin ithuh ïa ka jaka,” ong u Tynsong.
ha kaba ïadei bad ka jingshna biang ïa ka NH-6, u Tynsong u la ong ba dang shen, u la kynduh ïa une u secretary ka Myntri ka Road Transport na ka bynta ban ïakren halor ka jingsniew ka surok highway, khamtam naduh Lumshnong shaduh Umkiang.
“Katba ïa ka jingpynbiang bad ka jingshna ïa ka surok, la aiti sha ki kontraktor jong ka NHAI, naba kane ka hap hapoh ka jingpeit jong ka NHAI bad ka NHIDCL,” pynshai u Prestone.
Da kaba ïakren shaphang ka mat halor ka jingtwa khyndew ha ka surok khyndew jong ka Sonapur, u Tynsong u la ong ba u secretary ka Ministry jong ka Road Transport u la pynpaw ka jingdon jingmut jong u bad pynthikna ban khmih ïa kane ka surok khyndew.
“Ngim don kano kano ka jingrai kaba mar mar ïa mynta. Katba ki nongshem ba tbit kiba la phah da katei ka Ministry, ki lah ban trei halor ka jingai jingïada ïa katei ka surok khyndew tad haduh ban da ïoh ïa ka survey ba biang na ka bynta ban pyndep ïa ka surok saw lane,” ban jur u Tynsong.
U la ong ba ka jingpyndep ïa ki safety audits bad ka jingtreikam ban pyndait da ki nar ha ka jingkieng Sonapur, kaba long ruh ka jingpyn thikna halor ka jingai jingïada.
