JOWAI
Ka 7 Wasa United FC kaba dei ruh ka lahduh jong ka aïom ba lah dep jong kane ka lympung Super Division ka West Jaiñtia District Sports Association (WJDSA) ka la bat biang ia ka nam kum ka lahduh mynta ka samoi lyngba ka jingpynliem ia ka Ladthadlaboh FC
Ka jingiakhun phainal jong kine ki ar kynhun ka long kaba i shong khia bad kaba jwat, baroh ar kynhun ki la iakhun ban pynkhih jar hynrei haduh ban da kut ka kylla step ym don ba lah ban thep kol. Dei ha ka minit ba 58 ka 7 Wasa ka la ioh ban thep kol lyngba u Civility Khongmalai bad lah ban ong lyngba katei ka kol, ki rangïalehkai ka Wasa ki la ioh mynsiem bad thep sa shi kol tang hadien 1 minit lyngba u Pynshai Lathong.
Ym lah len ruh ba ki 2 kol ba ka Wasa ka la ioh ka long ruh kum ka jingpynskuin na ka bynta ki rangïalehkai ka Ladthadlaboh bad lynga ka jingiai iakhun ki la ioh ban pynphai shi kol ha ka minit ba 86 Sanki Langstang. Hadien katei ka minit ruh bun ki kabu ki la thaw hynrei haduh ban da kut ka minit ïalehkai ba la buh ki khlem ioh shuh ban pynurlong ia ka jingangnud jong ki, kumta ka jingiakhun ka la kut noh da 2-1.
Ka 7 Wasa kaba dei ruh ka kynhun ba la ioh ban rah bun tam ia ka nam lahduh jong kane ka lympung ka la khur ruh ia ka song pisa kaba long 50,000 kynthup ka trophy katba ka Ladthadlaboh ka la ioh 30,000 tyngka
Ia ka khusnam Man of the Match la ioh da u Dashngain Sukhlain na ka 7 Wasa, ia ka nam Best Goalkeeper la ioh da u Pynshngainlang Tyngkra naka 7 Wasa, ia ka nam Top Scorer la ioh da u Banteilang Shylla uba ioh ban thep 7 kol na ka bynta ka Ladthadlaboh bad ia ka nam Player of the Tournament la ioh da u Risanlang I Dkhar u rangïalehkai ka 7 Wasa.
