SHILLONG
Ka tnat sports bad youth affairs ka sorkar jylla ka ai ka jingkitbok kit rwiang ïa ka kynhun ïalehkai Table tennis, Judo bad ka kynhun ïalehkai phutbol jong ka jylla kiba leit ban ïa shim bynta sha ka lympung ïalehkai ba la tip kum ka 66th National School games ka ban long ha Bhopal, Madhya Pradesh ka ban sdang naduh ka 8 tarik haduh ka 12 tarik u bnai Jylliew 2023.
Ha kane ka sngi u Bah P. B War Nongbri u la long kum u kongsan, ha kaba u la ai ka jingkitbok kitrwiang, kyntien kyrkhu kyrdoh bad ki jingaimynsiem ïa ki khynnah ba kin ïalehkai bha bad ban ïakhun tyngeh ban wanrah nam bad burom ïa ka jylla.
Haduh mynta phra tylli ki kynhun ïalehkai na ki jait jingïalehkai bapher bapher kiba lah mih ban leit ïakhun sha kane ka lympung ïalehkai jong ka 66 National School games kiba kynthup ïa ka Table tennis, Judo, football, Basketball, badminton, Athletics, boxing bad ka Shooting.