SHILLONG
Ka jinglah jong ka Ankita Sharma ban ïalehkai bha na ka bynta ka Ri Bhoi District hynnin ka sngi ka 14 Nailur ka la pynlong ïa kane ka kynhun ban jam da kaba suk sha ka phainal jong ka lympung U-19 Girls Inter District Cricket Tournament ha madan Umbuda, Nongpoh.
Ka Ri Bhoi ka don ha khlieh duh jong ka Group A katba ka South Garo Hills ruh ka don ha ka kyrdan ba nyngkong jong ka Zone 2.
Ka SGH ka la kam ban tied nyngkong ha katei ka jingïakhun bad ki la ïoh ban buh tang 77 ron bad baroh ki wiket ki la khyllem lut tang hapoh 18.4 ober.
Ka Ri Bhoi kaba dei ka kynhun kaba la ïoh ban jam nyngkong sha ka phainal ka hap ban ap mynta sa kawei pat ka kynhun ban ïakhun pyrshah, kata hapeng ka Shillong Cricket Association bad Tura DCA kiba ban ïakhun mynta ka sngi ka 15 Nailur.
