SHILLONG:
Kum shi bynta ban rakhe ïa ka sngi jong ki nongthep vote (National Voters Day) ka ophis jong u Chief Electoral Officer ha ka jingïatreilang lang bad ka tnat Sports bad Youth Affairs jong ka sorkar jylla, ka ophis jong ka Election commision of India ka la pynlong ïa ka jingïamareh marathon hangne hapoh nongbah Shillong mynta ka sngi ka 25 tarik Kyllalyngkot 2023.
Kane ka jingïa mareh marathon kaba la long ha ka 1km, 5km, 10km bad 21km bad kaba la ai kyrteng da ka 2023 National Voters Day Run for sure.
Ha kane ka sngi ka wan ban ïa shim bynta da kumba 800 ngut ki nongmareh kiba naduh ka rta kaba 14 snem shalor haduh 50 snem ka rta. Ha kane ka jingïamareh ka kaweh lama da u S.C Sadhu, IAS Deputy Commissioner East Khasi Hills District na bynta ka 21k bad ka cycle rally, bad na bynta ka 10K, 5K bad 1K la kaweh lama da ki ophisar na ka tnat election department jong ka sorkar jylla.
Ka jingïamareh marathon 2023 National Voters Day for Run sure ka la sdang naduh ka por 7:30 na bynta ka 21k ka ban sdang na ka ophis jong ka old Meghalaya assembly compound, police bazar shillong.
Ha ka jingïalehkai ha ka thup 10k la sdang na Nongmensong Junction ha ka por 8:30 mynstep. Katba ha ka thup 5k kan sdang na Loreto convent School (main gate) ha ka por 9:00 mynstep bad ka 1K la sdang na Barik traffic point ha ka por 9:30 mynstep.
Kane ka jingïamareh marathon kaba 21k ka la long ha ka kyrdan open category na bynta ki shynrang kiba la 18 snem shalor. ki nongjop ha ka liang jong ki shynrang ki long u Wolbetstar Ramsiej (1:15:26) uba jop ha kyrdan kaba nyngkong bad khur ïa ka song pisa kaba long T. 30,000, u Emphius Nongrum uba la wan ba ar (1:17:32) u la khur ïa ka song pisa kaba long T. 20,000, bad u Bansinglang Marngar (1:24:68) uba la wan ba lai u la khur ïa ka song pisa kaba T.10,000. Katba ha ka long jong ki kynthei pat ka kong Kyntimon Marwein ka la wan ba nyngkong, ka Kong Bandasharai Marwein ka la wan ba ar bad ka kong Darishisha Iangjuh ka la wan ba lai. Ka la don ruh ka jingsam ïa ka consolation prize kaba long T. 2,000 ïa kiba wan ha ka kyrdan kaba saw haduh phr
Haba phai ha ka jingïakob mareh ïa kiba la shim bynta ha ka 21K ka la long ha ka thup open category na bynta ki security personnel in Uniform na bynta ki shynrang, u Saroj Mangar (1:16:26) u la wan ha ka kyrdan kaba nyngkong bad khur ïa ka song pisa kaba long 20,000 ïa kiba wan ha ka kyrdan ba nyngkong, u Suvisie (1:17:03) uba la wan ba ar u la khur ïa ka song pisa kaba long T. 10,000 bad u N. P Singh (1:20:59) uba la wan ba lai u la khur ïa ka song pisa kaba long T.5,000. Katba ha liang jong ki kynthei pat ka Kong Mariwikiru Shylla ka la wan ha ka kyrdan kaba nyngkong, ka Kong Dakahi Kyndiat ka la wan ba-ar bad ka Smita Kacchap ka la wan ba lai. Ka la don ruh ka jingsam ïa ka consolation prize kaba long mar T. 1,500 marwei ïa kiba wan ha ka kyrdan kaba saw haduh phra.
Ha ka jingïamareh marathon kaba 10k la shah ban ïashim bynta tang ïa ki nongshong shnong jong ka jylla kiba la 18 snem shalor na bynta ki shynrang bad u Sainkupar Jyrwa (33:23) u la wan ha ka kyrdan kaba nyngkong bad khur ïa ka song pisa kaba long T. 15,000, u Raplang Lyngdoh (34:36:50) uba la wan ba ar u la khur ïa ka song pisa kaba long T. 10,000, u Skhemlang Subhah (34:36:90) uba la wan ba lai u la khur ïa ka song pisa kaba long T.5,000. Katba ha ka liang kong ki kynthei pat ka Kong Claire Jones Jala Kharbhih ka la wan ba nyngkong, ka kong Balarishisha Thyrniang ka la wan ba ar bad ka kong Phyrnai Kyndiat ka la wan ba lai. Ka la don ruh ka jingsam ïa ka consolation prize kaba long mar T. 1,500 marwei ïa kiba wan ha ka kyrdan kaba saw haduh phra.
Ha ka jingïamareh marathon kaba 10k ka la long ha ka thup kiba la 50 snem (shynrang bad kynthei) shalor, na bynta ki shynrang u Badonsing Tham (41:28) u la khur ïa ka kyrdan kaba nyngkong bad la khur ruh ïa ka song pisa kaba long T. 15,000, u Shonding Mawlong (42:16) uba la wan ba ar uba la khur ïa ka song pisa kaba long T. 10,000, bad u Pynshngainlang Dkhar (42:55) uba la wan ba lai u la khur ïa ka song pisa kaba long T.5,000. Katba ha ka liang jong ki kynthei pat ka Kong Snora Lyngkhoi ka ka wan ba nyngkong, ka Kong Smarles Marwein ka la wan ba-ar bad ka kong Bitaris Marbaniang ka la wan ba lai. Ka la don ruh ka jingsam ïa ka consolation prize kaba long T. 1,500 ïa kiba wan ha ka kyrdan kaba saw haduh phra.
Ha ka jingïamareh marathon jong ka thup kaba 5K, ka la long tang ïa ki nongshong shnong jong ka jylla kiba 18 snem shalor ka rta, na bynta ki shynrang u Damang-I Lyngdoh (15:33) u la wan ha ka kyrdan kaba nyngkong bad khur ïa ka song pisa kaba long T. 5,000, u Banjoplang Wanniang (15:51) u la wan bad ar bad khur ïa ka song pisa kaba long T. 3,000, bad u Eibor Kyndait (15:53) uba la wan ba lai bad khur ïa ka song pisa kaba long T.2,000. Katba ha ka liang jong ki kynthei pat ka Kong Lyntijingkyrmen Jahrin ka la wan ba nyngkong, ka kong Barihun Kharjahrin ka la wan ba ar bad ka Kong Saralin L Nonglait ka la wan ba lai. Ka la don ruh ka jingsam ïa ka consolation prize kaba long T. 1,000 ïa kiba wan ha ka kyrdan kaba saw haduh phra.
Ha ka jingïamareh marathon na ka bynta kiba la shim bynta ha ka 1K ka la long ha ka wheelchair na bynta ki kynthei, ka Prisca Pyngrope ka la wan ha ka kyrdan kaba nyngkong bad khur ïa ka song pisa kaba long T. 5,000, ka Celine Lawai ka la wan ba-ar bad khur ïa ka song pisa kaba long T. 3,000, bad ka Rinalin Nongdhar kaba la wan ba lai ka la khur ïa ka song pisa kaba long T.2,000.
Ka lynti ïaid na bynta kane ka jingïamareh 2023 National Voters Day Run for sure 1K kan sdang na Barik traffic point – bad yn pynkut ha ka phyllaw ophis assembly barim police bazar Shillong.
Katba ïa ka jingïamreh na ka bynta ki 5k kan sdang na Loreto convent school, Shillon (main gate) – Don Bosco square Laitumkhrah – Hero showroom Laitumkhrah – Dhankheti – Nectar Barik Point – bad yn pynkut ha ka phyllaw ophis assembly barim police bazar Shillong.
Na ka bynta ki nongmareh kiba shim bynta ha ka10k yn sdang na Lad Nongmensong Junction – Annand Furniture Demseiniong – 4th furlong – Orchid Annex Polo – Y.W.C.A – Behind St. Mary’s Laitumkhrah – Don Bosco square Laitumkhrah – Hero showroom Laitumkhrah – Dhankheti – Nectar Barik Point – bad yn pynkut ha ka phyllaw ophis assembly barim police bazar Shillong.
Bad na ka bynta kiba shim bynta ha ka 21k yn sdang na ka phyllaw ophis assembly barim police bazar Shillong. – H.U textile Police bazar – Jaiaw Presbyterian Church – World of gifts Mawlai Iewrynghep Highway – Balang u Khrist Mawlai Nonglum – Stand bus Mawlai Phudmuri – Shullai Progressive school Mawlai Mawroh – MPPS Mawlai Mawroh – Lailad Shyiap Golflink – Lad CA Pynthorumkhrah – Care Point Center Pyn-thorumkhrah – Lad Nongmensong Junction – Annand Furniture Demseiniong – 4th furlong – Orchid Annex Polo – Y.W.C.A – Behind St. Mary’s Laitumkhrah – Don Bosco square Laitumkhrah – Hero showroom Laitumkhrah – Dhankheti – Nectar Barik Point – bad yn pynkut biang ha ka phyllaw ophis assembly barim police bazar Shillong.
