MAIRANG:
Kum shi bynta ka jingrakhe ïa ka phang pdeng ka Azadi Ka Amrit Mahotsav, ka ophis jong ka District Sports Officer, West Khasi Hills District, Nongstoin ka la pynlong ïa ka jingmareh marathon kaba la tip kum ka Fit India Freedom Run 3.0.
Ïa kane ka program la pynlong da ka ophis jong ka District Sports Officer, West Khasi Hills District, Nongstoin ha ryngkat ka jingïatreilang bad ka District Sports Promotion Society, West Khasi Hills District, Nongstoin hynne ka step ki la pynlong ïa kane ka Fit India Freedom Run 3.0.
Ïa kane ka jingïamareh marathon la sdang na ka khyrdop jong ka ophis jong u Deputy Commissioner ka Eastern West Khasi Hills District, Mairang.
Ha kane ka jingmareh marathon kaba 8 Km la plie bad kaweh lama da u Additional Deputy Commissioner ka Eastern West Khasi Hills Distict, Mairang, u Bah A. Nongbri.
Ha kane ka jingïamareh la wan ïashim bynta da ki 65 ngut ki nongmareh marathon kynthei bad shynrang na ki thaiñ ba Marjan bad ka Mairang.
Ha ka liang jong ki shynrang, ïa ka namjop ba nyngkong, la ïoh ban rah da u Shainingstar Marwein, u Mebansainborlang Pathaw u la wan ba ar bad u Rahjopkordor Lyngdoh u la wan ba lai.
Katba, ha ka liang ki kynthei, ka Balasiewdor Pathaw ka la jop ïa ka kyrdan ba nyngkong, ka Mebarisha Lyngdoh ka la jop ïa ka kyrdan kaba ar bad ka Ibashongkun Kurbah ka la ïoh rah ïa ka kyrdan ba lai.
Ki nongjop ha kane ka jingïakob mareh marathon ki la ïoh ban rah ïa ka song pisa kaba long mar san hajar, lai hajar bad ar hajar tyngka.
