ASSAM:
Ka PFR Football Academy ka la rah ïa ka nam lahduh ha ka lympung ïalehkai hapoh jylla Assam, ka PFR Football Academy hadien ba ka la pynliem noh ïa ka North East United lyngba ka tie breaker da 5-4.
Kane ka lympung ïalehkai phutbol la pynlong da ka All Assam Matak yuba Chatra Sanmilan ïa ka 6th Annual swargdeo sarbananda Singha Memorial National level invitational ha madan Chowkidinghee Dibrugarh.
Ha kane ka jingïalehkai ka PFR ka la thep nyngkong eh ïa ka kol ha ka kylla step jong ka jingïalehkai da 2-0 bad ha ka kylla miet pat ka North East United ka la ïoh ban pynphai kylla ïa ka kol naka North east haka kylla miet da 2 kol bad hapdeng kane ka jingïakhun ka lah poi ha ka jingïakhaid haduh ba kut ka por ïalehkai jong ka kylla miet.
Bad hadien kane ki Referee ki la rai ban pynlong noh da ka tie Breaker bad lyngba kane ka kabu ka PFR ka la ïoh ban rah ïa ka nam lahduh.
Ïa kane ka kynhun ïalehkai la ïalam da u Amit kum u Head Coach bad u Robin Nongrum kum u Asst. Coach ha ryngkat ka jingsynran lem u President ka Academy u Bah Franky Kharumnuid.
Ïa ka nam Player of the Tournament lah ïoh ban rah da u Andy Suting ha ryngkat ka Trophy bad ka Song Pisa kaba long 10 hajar tyngka. Katba u Eben Warbah u lah ïoh ïa ka nam Best goal keeper ha ryngkat ka Trophy bad ka Song Pisa 5 hajar tyngka.
