JOWAI:
Ka lympung ïalehkai phutbol jong ka kyrdan 1st Division Football Tournament, 2022 ïa kaba la ai kyrteng ka ‘Chatister Kharkongor Memorial Trophy’, kaba la long mynta ka sngi ha madan Kiang Nangbah Stadium, Dongmihsngi Jowai. Ïa kane ka lympung la pynïaid da ka West Jaintia Hills District Sports Association.
Haba phai sha ka jingïakhun, na ka liang ka kynhun ïalehkai jong ka Shangpung Moosyiem SC ka la lah ban pynliem noh da 5-1 kol ïa ka Sailung Ïalong SC, ïa kitei ki kol na ka Shangpung Moosyiem SC la thep da u Kenny Langbang ar kol ha ka minit ba 15 bad 84, u Remine Papang ar kol ha ka minit ba 27 bad 52 bad u Mewothi Sungoh ha ka minit ba 61. Katba ïa ka shikol na ka bynta ka Sailung Ïalong SC la thep da u Mebakynsai Pale ha ka minit ba 59, bad haduh ban kut jong ka jingïakhun la neh da 5-1 kol.
Ka jingïalehkai ka ban long mynta ka sngi kata ha ka 03.11.2022, kan long hadpeng ka Chilliangriaj SC pyrshah ïa ka Wahiajer SC ha ka por 2 shiteng nohphai sngi.
