SHILLONG:
Ka Arunachal Pradesh ka la ïoh ban khur ar tylli ki takma ksiar ha ka ïakob rah nar (Weightlifting) jong ki kynthei hadien ba ka Balo Yalam bad ka Posen Kongkang ki la long ki lahduh ha ki thup ïakhun bapher bapher. Nalorkata, ha kane ka sngi, ka Assam bad Manipur ruh ruh ki la ïoh ban khur takma ksiar lang ha katei ka sngi.
Ha ka thup jingkhia kiba hapoh 49 kilo (U-49), ka Bornali Bora na Assam ka la ïoh ban khur ïa ka takma ksiar ha ka jingïakob rah ba 71kilo ha ka snatch la 95 kilo ha ka clean and jerk bad lada kheiñlang ka poi 166 kilo. Katba ïa ka takma rupa pat la ïoh da da Kh Roshibina Devi na Manipur da ki 63 kilo la 85 kilo kaba lada kheiñlang pat ka poi 148 kilo. Ïa ka takma rnong pat la ïoh da ka Techi Nadam na Arunachal Pradesh da ki 59 kilo la 82 kilo lada kheinlang ka poi sha ka 141 kilo.
Ha ka thup kiba hapoh 55 kilo, ïa ka takma ksiar la ïoh da ka Ph Ranibala Devi na Manipur kaba la lah ban rah 84 kilo la 100 kilo kaba lada kheiñlang ka poi 184 kilo, ïa ka takma rupa la ïoh da ka Boni Mangkya na Arunachal Pradesh kaba lah ban rah ha ka snatch 75kilo, ha ka C&J da ki 94 kilo bad total pat ka poi 169kilo, bad ka takma rnong sha ka L Nilam Devi na Manipur kaba lah ban rah 74 kilo ha ka snatch, nangta ha ka C&J ka lah ban rah 92kilo bad lada kheinlang ka poi 166 kilo.
Ha ka thup kiba hapoh 59 kilo pat, ka Balo Yalam na Arunachal Pradesh ka la khur ïa ka takma ksiar da ka jinglah jong ka ban rah haduh 75 kilo ha ka snatch katba ha ka clean and jerk pat 97 kilo bad lada kheiñ lang pat ka long 172 kilo, katba ka Bibari Boro na Assam ka khur ïa ka takma rupa da ka jinglah jong ka ban rah 67 kilo ha ka snatch katba ha ka C&J ka lah 86kilo bad lada kheiñlang pat ka poi sha ka 153 kilo. Nangta ïa ka takma rnong pat la ïoh da ka N Nirmala Chanu na Manipur kaba la lah ban rah 58 kilo ha ka snatch katba ha ka C&J ka lah ban rah 70kilo bad total pat ka poi 128 kilo.
Ha ka thup kiba hapoh 64 kilo, ïa ka takma ksiar la ïoh da ka Posen Kongkang na Arunachal Pradesh da ka jinglah ban rah haduh 77 kilo ha ka snatch katba ha ka C&J ka lah 97 kilo bad ha ka total ka lah 174 kilo, katba ïa ka takma rupa pat la ïoh da ka Shandtrella Huyam na Manipur kaba la ïoh ban rah 70 kilo ha ka snatch katba ha ka C&J ka rah 92 kilo bad total 162 kilo. Katba ïa ka takma rnong pat la ïoh da ka Deepshikha Boro na Assam kaba lah ban rah 69 kilo ha ka snatch bad ha ka C&J ka rah 88 kilo bad lada kheinlang pat ka poi sha ka 157 kilo.
