SHILLONG:
Khur jingjop biang ka Kynton-U-Mon da kaba pynliem noh ïa ka Summit Academy da 16 la 0 ha ka jingïakhun kaba la long ha ka sngi saitjain ka 22 Ïaiong ha ka lympung ïalehkai UNDER-10 (Boys) Football league 2023 ba la pynlong da ka Shillong Sports Association hapoh madan 2nd Ground polo.
Ki rangïalehkai ba tbit jong ka Kynton-U-Mon kiba la ïoh ban thep ïa ki 16 kol ki long u A. Nongspung uba la thep ïa ka kol ha ka minit kaba 1,3,23, bad 31, u N. Bareh uba ka thep ha ka minit kaba 5,14,16,20 bad 45, u N. Nongspung uba la thep ïa ka kol ha ka minit kaba 9, 22, 33, 38 bad 47, bad u Joes-Mar-Ar-Langki uba la thep ïa ka kol ha ka minit kaba 28 bad 42.
Ka kynhun Kynton-U-Mon kaba la ïalehkai bha ha kine ki jingïakhun ba shakhmat, mynta ka kynti ruh ka la lah ban ïaleh kham bha shuh shuh ha kaba ka la khanglad ïa ka Summit ban kin pynphai wat tang 1 kol ruh.
Ryngkat ka jingjop, ka Kynton-U-Mon ka la khur ïa ki lai poiñ bad khmih lynti ba kin lah ban ïai pynbha shuh shuh ïa ka rukom ïalehkai ha ka jingïakhun ban wan.
