MAWKYRWAT
Ka Khasi Students Union’s South West Khasi Hills District mynta ka sngi ka 25 tarik u Naiwing 2022 ka la ïoh ban pynkup burom ïa ki samla kiba la wanrah ïaka nam ka burom hakaba ïadei bad ki jing ïalehkai sports kiba la ïoh ban mih khmat naka district sha jylla bad ruh shabar jong ka jylla haki Lympung ïalehkai bapher bapher ba ki wan rah ïaka jingjop kiba la ïoh ïaka takma ksiar bad ki takma Rupa ,
Ha kane ka sngi naka liang ka seng KSU haka jing ïa donlang ruh ka seng FKJGP ha ryngkat ki khynnah ki kmie ki kpa jong ki khynnah kila pynlong ruh ka jingïamir jingmut naka bynta shibun ki jingdonkam bad ki jing eh ba na ka liang ki samla kiba don sap kiba leit ïashim bynta ban mih khmat ïaka jylla (Inter State) bad ruh shabar jong ka jylla (International) shibun ki jingeh ba ki la ïakynduh hakaba ïadei kumno ban pynbiang ïaki jingdonkam jong ki la haka pisa pilaiñ ne ha ki tiar ki tar ba ki donkam.
Na ka kiba ha ïing hasem jong ki khynnah kiba la ju mih khmat ïaka distrik bad ïa ka jylla Meghalaya ki pynpaw ka jingsngewkmen ïa ka seng KSU ba kila pynlong ïaka ne ka jing pynkup burom ha kajuh ka por ban ïa thir jingmut lang ha kaba ïa dei bad ki jing eh ba naka Liang jong ki ki ïa kynduh ha kaba ïa dei bad ki kam ïalehkai.
Naka liang u Willbornson Wahlang u ba ïoh rah ïaka takma ksiar naka bynta ka jingïathong ñiah saikil haka Northeast Olympic Game 2022 ha Nongbah Shillong, u la pynpaw ïa shibun ki jingeh ba ki ïakynduh u da sngewdiaw mynsiem bad sngewduh jingkyrmen watla maki ki don ïa kita ki sap ki phong ki jong ki namar ba na ka liang ka sorkar jylla bad ki nongmih khmat kim shem don kata ka mynsiem ban ïarap eiei ïaki ban ïa nujor bad kiwei ki Ri bad ki jylla ha Ri India ki ai mynsiem bad ruh ki jingïarap ïaki khynnah kiba don ha ki sap bapher bapher ym kum ka Sorkar jylla Meghalaya ka khlem la leh eiei.
Kane ka pynduh mynsiem ïaki namar ba ha jinglong duk bad ki jingkyrduh ki jong ki kim lah ban thawlad thaw lynti wat lada ma ki ki thrang ban kham kiew ha jrong ban pyntbit shuh shuh ïaki sap ki phong ba kila don.
Naka liang u Bah Forwardman Nongrem President KSU South West Khasi Hills District u la ai mynsiem ïa ki samla kiba la wan rah shisha ïa ka nam bad ka burom ïa ka dong ka thaiñ ba kumba ki la ïoh sngew ïa ki jingeh jong ki samla kiba don sap ha ki kam ïalehkai sports bapher bapher kum ka seng kan ka long kaba la kloi ban ïarap ïa ki ha kino kino ki bynta bad buh jingkyrpad lem ïa ka Nongmihkhmat bad ruh naka sorkar ba ka dei ban thaw lad eiei kyrpang naka bynta kito ki khynnah kiba don ïaki sap ki jong ki ban ai kano kano ka jingïarap khnang ba kan long ka jingmyntoi bad ai mynsiem shuh shuh ïaki samla ba kin kiew shaphrang baroh ki kam ïalehkai.
Ki khynnah kiba la ïoh ban pdiang burom naka KSU ki long u Bah Willbornson Wahlang uba la ïoh takma ksiar haka jingïakob ñiah saikil ha bynta ka Northeast Olympic Game ha ryngkat ki 6 ngut kiba ïoh rah ïa ki takma rnong bad takma rupa ha ki jingïalehkai ïa Marehthong, siatkhnam, bad kynjatbol, ïa kane ka jingïalang kila pynlong ha Women’s Hostel Sngap Syiem College Mawkyrwat ha kaba la ïa donlang u Bah Forwardman Nongrem, President ki nong ïalam ba hakhmat jong ka seng KSU South West Khasi Hills, ki Nongkitkam ki bahaïing hasem jong ki khynnah bad ki dkhot jong ka seng FKJGP Mawkyrwat Circle kiba la wan ban ïashim bynta lang ha kane ka sngi.
