SHILLONG:
Ka tnad pulit jong ka sorkar jylla ka la pynkup burom ïa ka kynhun ïalehkai phutbol jong ka Meghalaya Police Football Team hadien ba ka la wan ha ka kyrdan kaba lai jong ka jingïalehkai phutbol kaba dang shu dep ban long shen.
Ka Meghalaya Police Football Team ka la wan ban ïashim bynta ha ka lympung ïalehkai jong ka North East bad East Zone State Police Invitation Football Tournament kaba dang shu dep ban long shen hapoh Nongbah Gangtok jong ka jylla Sikkim.
U Director General jong ki pulit jong ka Jylla u Dr. Lajja Ran Bishnoi IPS u la pynkup burom ïa kane ka kynhun ïalehkai phutbol hapoh ka ophis treikam jong u hapoh police headquarter kaba don hapoh Secretariat Hills, Shillong ha kaba u la sam ruh ia ki syrnod sha ki nongialehkai.
