JOWAI:
Ka lympung ïalehkai phutbol jong ka kyrdan 1st Division Football Tournament, 2022 ïa kaba la tip kum ka ‘Chatister Kharkongor Memorial Trophy’, kaba pynïaid da ka West Jaintia District Sports Association (WJDSA) kaba la long mynta ka sngi 26.10.2022 ha madan Kiang Nangbah Stadium, Dongmihsngi Jowai, kala long hapdeng ka Luti Tuber Ïalong SC pyrshah ïa ka Denthring SC.
Haba phai sha ka jingïakhun ka kynhun ïalehkai jong ka Luti Tuber Ïalong SC ka la lah ban pynliem da 4-2 kol ïa ka Demthring SC. Ïa kitei ki kol na ka Luti tuber Ïalong SC la thep da u Masan War ha ka minit ba 11, u Nudeisa Dhar ar kol ha ka minit ba 26 & 90+3 bad u Marbhah Dhar ha ka minit ba 64.
Katba ïa ki kol na ka bynta ka Demthring SC la thep da u Mebahskhem Blah ha ka minit ba 30 bad u Marlangki Suting ha ka minit ba 72, ka jingïakhun hapdeng kine ki kynhun kala kut noh da 4-2 kol.
Ka jingïalehkai kaba mynta ka sngi ka 27.10.2022 kan long hadpeng ka Nangbah Ïawmusiang SC pyrshah ïa ka Chilliangraij SC ha ka por 2 baje shiteng nohphai sngi.
