MAIRANG
Ka lympung ïalehkai phutbol kaba la pyniaid da ka Seven United United Sports Social & Cultural Club Pyndengumiong Mairang kaba la tip kyrteng kum ka 3rd Tirot Sing Memorial Trophy Football Tournament 2022 ka la poi noh sha ka jingïaknieh ïa ka nam lahduh kaba la long mynta ka sngi 29 Tarik u bnai Naiwieng 2022.
Ha katei ka sngi jong ka jingïaknieh nam lahduh ka la long hapdeng ka BlueBomber FC pyrshah ïa ka Rasong hapoh madan Dom Mawlum Pyndengumiong Mairang, Eastern West Khasi Hills District.
Haba phai sha ka jingïalehkai hapoh madan ban rah ïa ka nam lahduh kaba long hapdeng ka Rasong pyrshah ïa ka BlueBomber ka jingïakhun kada long shisha kaba itynnad bha ban peit ha kaba ka jingialehkai bad ka jingiapyni bor ka long kaba ïakhaid ha ka kylla step hynrei ynda la phai pat sa ha ka kylla miet jong ka jingialehkai ka Rasong ka la ïohlad ban thep ïa ka kol kaba nyngkong hynrei namar ka jinglehkai bha bad ka jingkhlaiñ bor jong ka Blue Bomber ka Rasong kam shym la lah ban shan ïa ka Blue Bomber na ka jingthep kol bad ka la ïoh syndon ban thep ïa ar tylli ki kol ban pynliem noh ïa ka Rasong da 2-1 bad ban rah syndon ïa ka nam lahduh bad ka song Pisa kaba long 2 lak tyngka lem bad ka Trophy ha ryngkat ka jingiasakhi lang da ki spah ngut ki riew ieid phutbol jong katei ka thaiñ.
