JOWAI:
Ka Jarain Sports Club ka la rah syndon ïa ka nam lahduh lyngba ka jingpynliem ïa ka PHE ha ka jingïakhun jong ka lympung Open to all Knockout Football Tournaments 2022 kaba la pynlong bad pynïaid da ka West Jaintia Hills District Sports Association ha ka jingïalehkai hapoh Kiang Nangbah Stadium.
Ha kane ka jingïalehkai ka Jarain Sports Club ka la pynliem noh ïa ka P.H.E da 4-3 lyngba ka jingïashut. Namar ka jingïakhun jong kine ki 2 kynhun la kut noh ha ka jingïakhait la hap ban pynïakhun lyngba ka penalti ban rai ïa ka nam lahuh, kumta lyngba ka jingtbit jong ki rangïalehkai ka Jarain khamtam u kol ki la khur ïa ka nam lahduh jong kane ka lympung mynta u snem.
Ïa ka nam Man of the Match la ïoh ban rah da u rangïalehkai jong ka Jarain C u Sewi Rymbai.Ka Jarain Sports Club kaba la rah ïa ka nam lahduh ha kane ka lympung ïalehkai ka la ïoh ban rah ïa ka song pisa kaba long 2 lak tyngka.
Katba ka P.H.E kaba long ka runners up ha kane ka lympung ïalehkai ka la ïoh ban rah ïa ka song pisa kaba long 1 lak tyngka.Ïa kane ka lympung ïalehkai la pynlong ruh shi bynta ban rakhe ïa ka jingdap 50 snem (Golden Jubilee Celebration -1972-2022) jong kane ka seng.
U Bah John F. Kharshiing Working President jong ka Meghalaya State Olym-pics Association ula wan ban don ryngkat kum u kongsan ban pynshngaiñ bad aimynsiem lem ha kane ka sngi.
