ASSAM:
Ka PFR Football Academy sa shisien pat ka la ioh ban rah biang sa shisien ïa ka nam lahduh ha ka lympung ïalehkai phubtol jong ka 2nd Raidang Anchalik Samonaya Cup 2023 National Level Invitation kaba la long ha Tinsukia, Assam.
Ha kane ka jingïalehkai phainal ban knieh ïa ka nam lahduh ka PFR ka la lah ban pynliem noh ïa ka Upper Assam da 2 la 0.
Ki rangïalehkai ba kynsai jong ka PFR kiba la ioh ban thep ïa ki ar kol ha kane ka jingïalehkai ki long u Andy Suting uba la ioh ban thep ïa ka kol kaba nyngkong ha ka kylla step bad ïa ka kol kaba ar la ioh ban thep da u Heini Phalangki ha ka kylla miet jong kane ka jingïakhun phainal pyrshah ïa ka Upper Assam.
Ïa ka nam best Goal keeper la ioh ban khur da u rangapkol ba tbit jong ka PFR Football Academy, u Eben Warbah.
Ka kynhun ïalehkai jong ka PFR Football Academy ka long ka kynhun kaba la ïalam da u Amit kum u coach ba hakhlieh duh bad u Bah Robin Nongrum kum u symbud coach.
