NONGPOH:
Haba sdang lympung ïalehkai phutbol kaba la tip kum ka NPYF CUP, ïa kaba la pynlong National People’s Youth Front (NPYF) Jirang Block, kaba ki la pynlong ha madan Byrnihat, ka 18mer Football Club, ka la khur ïa ka namjop hadien ba ka la lah ban pynliem noh ïa ka Umling Sports Club ha ka jingïakhun kaba la poi sha ka jingïashut Tie Breaker.
Haba phai sha katei ka jingïakhun, ha baroh ki arkylla jong ka jingïakhun, kata naduh ha ka kylla step bad kylla miet jong ka jingïakhun, ka la shu kut ha ka jingïakhaid khlem da ïoh ban thep kol, kumta ki nongpynïaid jong katei ka jingïakhun, ki la rah noh sha ka jingïashut Tie Breaker, kaba la pynlong ïa ka 18mer ba kan pynliem noh ia ka Umling.
Ïa katei ka lympung ïalehkai, la wan ban plie paidbah da u Bah Sosthenes Sohtun, MLA Jirang, ha ryngkat ka jingdon u Bah Victor Rani, MDC, u Bah Rayonald Kharkamni, Vice-President ka State NPYF, u Bah Marcus Lapasam, President ka NPYF Jirang Block lem bad kiwei.
Lah ruh ban kdew hangne, ba ha katei ka lympung ïalehkai kaba la pynlong da ka NPYF, ka khusnam na ka bynta ka kynhun lahduh kan long T. 2 lak lem bad ka Trophy, katba ka kynhun kaba wan ba-ar kan ïoh ïa ka song pisa ka T. 1 lak lem bad ka Trophy.
