SHILLONG:
U Samla Banteilang Jyrwa uba long u nongñiah thuk thuk off-road napoh ka jylla kong ngi mynta ka kynti u la long syndon u National Supercross Champion 2022.
U Banteilang Jyrwa uba ñiah na ka kynhun (TVS Racing) kaba long ka company ïa pynher thuk thuk uba la ïalehkai ha ka Novice Class bad u lah rah syndon ïa ka nam lahduh ha ka lympung ïalehkai jong ka MRF MoGrip FMSCI Indian National Supercross Championship (INSC) 2022, kaba lah long ha Bangalore.
Katkum na ki tyllong khubor ba la ïoh lum, la ong ba u Banteilang u la ïalehkai ha ka Group C Novice class bad u la lah ruh ban pynliem noh ïa u nongñiah thukthuk uba tbit bha u Sachin D.
U Banteilang u long ruh uba tang ma u marwei napoh ka thaiñ shatei lam mihngi ban ïashim bynta ha kane ka lympung ïa pynher thuk thuk bad u long ruh uwei na ki nong ñiah thuk thuk na kane ka thaiñ ban rah ïa ka jingjop hadien 29 snem.
