SHILLONG:
Ka Ophis jong u District Sports Officer (DSO), ka East Khasi Hills District, kan pynlong ïa ka jingïamareh marathon kaba 5km kum shi bynta ban rakhe ïa ka National Unity Day.
Kane ka jingïamareh marathon kaba la ai kyrteng kum ka “Will be Conducting a 5K Run for Unity” kan long ha ka 31 tarik Risaw.
Ka jingïa mareh marathon 5K Run for Unity kan sdang naduh ka por 6:30am mynstep na ka khyrdop jong ka madan ïakehkai kaba don hapoh Polo ka JN Stadium.
Kane ka jingïa mareh marathon kan long ha ka kyrdan open category na bynta ki shynrang bad ki kynthei.
Kan don ka jingsam ïa ki khusnam ïa ki nongmareh kiba jop ha ka Liang jong ki shynrang bad ki kynthei. Ha kaba yn sa ai ruh ka song pisa ha ryngkat ki syrnod ïa kiba jop. Kan don ruh ka jingsam ïa ki consolation prize.
Ki nongïashim bynta kiba kwah ban ïa shim bynta ha kane ka jingïa mareh marathon 5K Run for Unity kin hap ban register online lyngka ka link jong ka Google https://bit.ly/3DcAYpW.
Kiba lah dep ban register online kin hap ban wanshim ïa u nombor ba kin hap ban deng ha ka por ban mareh napoh ka ophis jong u District Sports Officer, East Khasi Hills District, kaba don hapoh ka JN Sports Complex Polo Grounds, Shillong ha ka 29 tarik Risaw sngi saitjain bad ka por ban wan shim ïa u nombor kan long naduh ka por 10 baje mynstep haduh 5 baje janmiet.
Ka lynti ïaid na bynta kane ka jingïa mareh 5K Run for Unity kan sdang naduh JN Stadium Main Gate, Polo, Shillong -SRGT Main Gate – Golf Club – Lad Shyiap – MPPS – Lad Sanker – Mawroh Junction – FCI Junction – FCI – MeECL – Shillong Secondary School – CRPF Main Gate – SRGT Main Gate – bad kut biang ha Polo JN Stadium main Gate.
