MAWKYRWAT:
Ka Hynñiewtrep Achik National Movement South West Khasi Hills District kum ka dak ka jingïasnoh kti lang bad ka HANM Sengkmie kaba la leit ban dawa ha khmat ka sorkar ha Nongbah Delhi na ka bynta ïa ki 3 tylli mat jong ka jylla, ban pynrung noh ïa ka ktien khasi bad Garo haka khyrnit kaba phra jong riti shynshar jong ka Ri india, ban pynbeit noh ïa u pud u sam ha pdeng ka Meghalaya bad Assam, bad ban ai noh ïa ka ILP hangne hapoh ka jylla Meghalaya.
Kumta ka HANM, SWKHD mynta ka sngi kala pynlong ïa ka jing teh ïa ki banner ha kylleng ki jaka ha Mawkyrwat bad ban wer ruh ïa ki pait jong ka Bri u 7trep khamtam ïa ki paitbah jong ka South West Khasi Hills District ban ai ka jingkyrshan ba pura ïaka seng HANM khnang ba ha ka jingdawa jong ka seng kan long kaba jop ong u Bah W. Lyngdoh, Secretary ka HANM South West Khasi Hills District.
