SHILLONG:
Kum shi bynta ban noh synñiang sha ka imlang sahlang ha kaba ïa dei bad ka jingkoit jingkhiah, ka Universal Sompo General Insurance Company Ltd (USGICL), ha ka 29 tarik Ïaïong ka la ai ïa ki tiar sumar nongpang Haemodialysis Machines, Cardiac Monitor Machines, Ultrasound Machine bad Dialysis Couches ïa ka Civil Hospital in Shillong.
Ka jingai sngewbha jong ka seng ïa kitei ki tiar sumar ïa ka Shillong Civil Hospital ka biang ki jaka buh ïa kine ki tiar bad ban sumar ïa ki nongpang kat kum ka jingpang jong ki, la ka long ha ka liang ki dawai dashin, ki jingpuid briew, jingsumar ïa kiba pang shyieng, jingsumar ïa ki khmat, jingpang klongsnam, jingpang bniat, jingpang baktah ïa ki jingmut jingpyrkhat radiology bad kiwei. Ka Shillong Civil Hospital ka long ka jingim na ka bynta ki nongshong shnong ka Sor Shillong bad jong kiwei. Haba kren ha katei ka sngi ba ai ïa kine ki tiar sumar nongpang, u Sharad Mathur uba long u Managing Director bad Chief Executive Officer jong ka Universal Sompo u la ong ba ka jingdon ïa tiar sumar nongpang ka long kaba donkam haduh katta katta ban ai ïa ka jingsumar kaba biang, la ka long ha Meghalaya lane ha kari hi baroh kawei.
“Kane ka jingai jong ngi ïa ki tiar sumar nongpang ïa Shillong Civil Hospital ka long ki paidbah nongshong shnong jong ka Meghalaya kin long kiba kham shait kham khlaiñ. Kane ka jingai jong ngi ïa kine kit air sumar nongang ka long ba ka seng ka buh jingmut ïa ka jingdonkam jong ki nongpang”, la ong u Sharad Mathur.
“Ka jingthmu jong ka jingai ïa kine kit air sumar nongpang, wat sha ki jaka bajngai bad bakyndong kum ka Sor Shillong kaba don Shatei Lam Mihngi ka long ban pynbiang ïa kata ka jingduna ha ka liang ka koit ka khiah bad ki paidbah nongshong shnong kin yn hap shuh ban leit sumar sha ki jaka bajngai. Ngi kyrmen ban ïai bteng ïa kane ka jingkyrshan jong ngi da kit air sumar nongpang khnang ba ka ri hi baroh kawei kan long kaba koit bakhiah”.
