NONGSTOIÑ:
Ka Pyndengrei Social and Cultural Sports Club ha ka 26 tarik Nohprah, ka la aiti noh ïa ka ïing sha ka Kong Lucy Sohshang na ka dong Mawkhmahwir jong ka shnong Pyndengrei hadien ba ka Sport Club ka la dep ban pynshna ïa ka.
Kane ka longïing kadei ruh kaba shem jynjar namar kadei ka long ïing jong ka riew kynthei kaba peit hi ïa baroh ki jingdonkam ha ïing bad ïa ki 5 ngut ki khun ba kynthup ïa 3 ngut ki kynthei bad ar ngut ki shynrang hadien ba u kpa jong ka ïing um don shuh.
Na ka liang jong ka Sport Club kala shim ïa kane ka sienjam ban leh isynei ïa katei ka long ïing kum shi bynta jong ka jingrakhe ïa ka jingdap 50 snem jong ka Pyndengrei Social and Cultural Sports Club.
U Sordar ka shnong Pyndengrei u Bah M. Marwein u la khap ïa u ribon kum ka dak ban aiti noh ïa katei ka ïing sha ka Kong Lucy Sohshang, ha ryngkat ka jingïadonlang ruh u Rangbah Dong Mawkhmahwir, u President bad Secretary ka Sport Club bad kiwei kiwei.
