SHILLONG:
Ka jingshah ktah kti ha ki bar jylla ka jia na ka por sha ka por khamtam haba ïa dei bad ki kynthei ki khynnah.
Kum kane ka jingjia ka la jia ha u Lum Balang Malki ha ka janmiet jong ka 29 tarik u Lber 2023 ha ka por 4:30 janmiet ha kaba u wei u bar jylla ula ktah kti ïa ki khynnah rit kynthei ha katei ka jaka.
Na ka liang ka Seng Federation of Khasi Jaiñtia and Garo People (FKJGP) Malki Circle ka pynrem jur haba ïadei bad katei ka jingjia.
Na ka liang ka seng ka maham ruh ïa baroh ki contractor kiba pyntrei hapoh u pud u sam jong ka shnong Malki ba kim dei shuh ban wan ïalam da ki nongtrei bar jylla bad lada ka seng ka lap ïa kiba leh pyrshah ka seng kam don jingbah khlieh lada jia ei ei ïa ki hadien habud.
Ka seng ka pynpaw ïa ka jingsngewnguh ïa ka Dorbar Dong Lum Balang kaba la shim khia haba ïadei bad kane ka kam.