NONGSTOIÑ:
Ka jingkmen jong ki nongrep ban ïoh ot bad kheit noh ïa u soh jong ka jingtrei shitom khamtam ki nongrep kba kadei ha kum u ne u bnai Naiwieng ha kaba ki pyntha kba ki dap bad sawa da ki nongrep ban lum ban lang noh ïala ki soh jong ka jingtreishitom baroh shi snem.
Hynrei mynta ka kynti ki nongrep kiba na ka shnong Tiehbah Nongstoiñ kila dap da ka jingsngewsih kthang hadien ba kila ïakynduh ïa ka jingduhnong kaba khraw hadien ba u slap u la wan ther mynta ka janmiet jong ka 16 tarik u Naiwieng kaba la pynlong ia ka um ban kit lut baroh ïa u kba ba kila lum bha ha pyntha bad ia u bala shoh u la shu per lut ha sla um ha pyntha kba.
Ki nongrep kba kiba la mad ïa katei ka apot ki kynthup ïa u bah Branli Marweiñ, bah Tholing Kharlyngdoh, kong Ispilian Mawlieh, bad Eldaris Thongni bad kiwei kiwei ruh bad ka ong ba ka jingjulor kala palat ïa ka 15 hajar ei ei u wei u wei u nongrep.
