MAWKYRWAT:
Ka kynhun jong ka Officer Club South West Khasi Hills District mynta ka sngi kila ïoh ban pynlong ïa ka Ranikor Beach Festival ha rud wah Kynshi kiba la khot Pamdaba River Beach kane kalong kum shi bynta ban kyntiew ïa ki kam tourism hapoh ka South West Khasi Hills District
Ïa kane ka Ranikor Beach festival ki la sdang mynta ka sngi ka 19 tarik kan kut noh ha ka 20 tarik Kyllalyngkot 2024. Ka jing pynlong ïa kum kine ki Festival ka dei ka sien kaba 3 kata hadien bun bun snem ym shem la lah shuh ban pynlong ïa kane ka tamasa dei tad mynta u snem la ïoh biang ban pynlong ïa kane ka Ranikor Beach festival.
Ha kane ka sngi la long kongsan da u ma Kyrmen Shylla Minister jong ka Social Welfare jong ka jylla Meghalaya ha ryngkat da ka jing ïa donlang u MLA ka Ranikor bah Pius marwein, u DC ka SWKHD bah T. Lyngwa, U SP ka SWKHD bah G .D Kharwanlang.
U Ma Kyrmen Shylla haba kren ha kane ka sngi u la ai ka jing ïaroh ïa u MLA ka thaiñ kata ïa u bah Pius Marweiñ bad ïa ki ophisar sorkar jong ka District ba ki la ïoh biang ban pynlong kum ïa kane ka tamasa leh kmen hangne ha kane ka jaka ban kyntiew ïa ka thaiñ ha ki kam jngohkai pyrthei. Kane ka long ruh kum shibynta ka jingkha arsien ïa kane ka Festival kata hadien bun snem kim ïoh shuh kum kane ka kabu ban pynlong biang mynta u snem bad ngeit skhem ba nangne shakhmat naka liang ka Officer Club South West Khasi Hills District kin dang ïai bteng ban pynlong kum ïa kine ki tamasa lehkmen ha kane ka thaiñ.
U bah Pius Marweiñ haba kren ha kane ka sngi u la ong ba lada ma ngi, ngi nang ban sumar ïa ka mei mariang halor katne ka jing itynnad jongka ka mariang ar shah kan ai ka jing kyrkhu ïa ngi ki briew.
Ha kane ka sngi la pynshit pynshngaiñ shuh da ki nongput nong tem ki nongrwai kiba paw napoh ka jylla Meghalaya bad ruh la pyn i phuh i phieng shuh da ki jingïalehkai sport bapher bapher, ki jingshad tynrai khasi, garo banggali, lyngngam, ki jingput jingtem naki group bapher bapher lem bad kiwei kiwei de.
