SHILLONG:
Kawei ka jingjia kaba sngewsih ka la jia ha kawei ka longïing ha Umling, Ri Bhoi District, haba uwei u dieng ba la pyut u la kyllon bad ban ïa ka ïing jong ki, haduh ba u khun jong ki uba la don 15 snem ka rta u la khlad noh.
Ïa u lanot la tip kyrteng kum u Benejid Hasdah.Ha kane ka jingjia, u kpa, ka kmie bad kawei ka para jong u lanot ki la mynsaw jur.Haba la ïoh jingtip ïa kane ka jingjia, u Rangbah Shnong u la khot mar mar ïa ka kynhun ïarap ba kyrkieh.Ïa kiba mynsaw la kit sha hospital ba don marjan ban ïoh jingsumar, katba ïa ka met jong u Hasdah la kit sha Civil Hospital Nongpoh na ka bynta ban phah post mortem.
Katkum ka jingïathuh ki nongshongshnong, ki la ong ba une u dieng ba la pyut u la kyllon bad ban ïa ka ïing, kaba la pynmih jingkylli shaphang ki lad jingïada ban ai jingshngaiñ ïa ki nongshongshnong ka thaiñ.Ki nongshongshnong ki la thawlad ruh ban peit ïa kiwei ki dieng ha ka thaiñ khnang ban khanglad na kum kane ka jingjia ha ki sngi ki por ban wan.
