MAWKYRWAT:
Ka seng Samla Shnong Mawkyrwat ryngkat ka jingïatrei lang bad ka ophis jong ka Deputy Commissioner, South West Khasi Hills district kila pynlong ïa ka jingïakop thei bhabriew bad rang kynsai jong ka South West Khasi Hills ha ka 12 tarik Nohprah, kum shi bynta ban rakhe lehkmen ïaka jingdap 50 snem ka jylla Meghalaya ha Madan ka Nativity skul Mawkyrwat.
Ha kane sngi la don haduh 14 ngut ki thei bhabriew bad 15 ngut ki rang kynsai kiba la wan ban ïashim bynta.
Ïa ka nam thei bhabriew ne Miss South West Khasi Hills District jong u snem 2022, la ïoh ka samla Lapynhun Dkhar bad ïa ka 1st runner up la ïoh ka Samla Ibadonbok Syiemlieh ïa ka 2nd runner up la ïoh ka samla Amanda Paleishisha Kurbah Syiem.
Na ka bynta ïa ka Nam Rang Kynsai la rah u samla Joshwa Ford Nongsiej bad ïa ka 1st runner up la ïoh u samla Nobleson Syiemïong bad ïa ka 2rd runner up la ïoh u samla Kynphamlang Nongsiej.
Ïa ki nongjop ha ka jingïakop la sam ïa ka song pisa T. 15 hajar tyngka ïa kiba long nyngkong, T.10 hajar ïa ki 1 runner up bad T. 5 hajar ïa ki 2nd runner up. Ki nongbishar ha kane ka sngi ki dei na ka Fashion Society Shillong ba ïalam u Bah Eldes Mawlong bad ka kynhun jongu.
Ha kane ka janmiet la pynbyrngia ïa ki paidbah da ki jingrwai ki jingtem bad ki jingshad na ki khun samla ka thaiñ Mawkyrwat.
