SHILLONG:
Ka Khasi Hills Autonomous District Council (KHADC) ka la pynkhreh ban phah lum ïa ki kyrteng jong ki khyrdop lum khajna ki ban sa pyntreikam noh hapoh ka bor ba dei peit la shem bnai.
U khlieh jong ka KHADC, u Pynïaid Sing Syiem u la ong ba ka bor synshar ka la shimkhia halor ki khyrdop lum khajna kiba la pyntreikam ha ki jaka ba bun jong ka Ri Lum Khasi.
“Ngi la khmih ïa ki kyrteng jong ki khyrdop lum khajna kiba la pyntreikam ha ki katto katne ki jaka kiba hap hapoh ka KHADC, ki ban sa phah sha ka tnad DCA bad Law,” ong u Syiem.
“Ha kaba kut jong u Nohprah 2023, ngin sa lah ban pyni ïa ki kyrteng jong kito ki khyrdop lum khajna kiba la pyn kynthup ha kaba la ai ïa ki kyrteng jong ki, ki ban sa pybtreikam noh kum ki khyrdop lum khajna, check point jong ka tnad Forest, lum khajna ne kam khaïi da ki bar jylla” bynrap u Syiem.
Haba la kylli ïa u Syiem, u la ong ba ka executive committee (EC) ka la kyrpad ïa u secretary jong ka bor ba dei peit ba kin pynbiang ïa ki kyrteng jong ki khyrdop lum khajna hapoh ka jingpynïaid jong ka district council.
“Ha kaba ïadei bad ki khyrdop lum khajna, la don ka committee kaba la pynïaid da ka tnad District Council Affairs (DCA), ha kaba baroh ki ADC ki dei ki dkhot, lem bad ki dkhot jong ka PWD,” ong u Syiem.
Katkum ka jingïathuh jong u, ka committee ka ïatrei bad ka jingpyntreikam jong ki khyrdop lum khajna kiba katkum ka jingpynmih jong ka Sixth Schedule, Forest Act, ka jingpynïaid jong ka kam khaïi pateng da ki bar jylla bad kiwei kiwei.
