MAWKYRWAT:
Ka Khasi Students Union Warsanlyngdoh Circle South West Khasi Hills District ha ryngkat bad ki Nongshong Shnong jong kane ka thaiñ ki la pynpaw ka jingngew bynñiaw halor ka jingpynslem ka sorkar ïa ka jingkhot tender biang ïa ka surok na Pyndenumjaraiñ haduh Mawphanrang da kaba kila leit jurip ïa kane ka surok ha ka 7 tarik u Nohprah, 2023 ha ka jing ïalam u Bah Donbor Marshra uba dei u President ka KSU Warsanlyngdoh Circle ha ryngkat da ka jingïadonlang u Bah Onder Marthong u riew rangbah jong ka Shnong Pyndenumjaraiñ bad ki dkhot jong ka KSU.
U Bah Donbor Marshara haba ai jingkren ha kane ka sngi u la ong ba ha ka jingshisha kane ka surok ka dei naduh u Snem 2017-18 ba la pyntrei lyngba ka scheme PMGSY hynrei ngim lah ban tip na kaei ka daw la pynslem ïa ka jingpyntrei ïa kane ka surok. Dei tad hadien ba ka Seng ka la wad jingtip, la lap ba u kontraktor ba pyntrei ïa kane ka surok u la Sangeh (Surrender) noh ban pyntrei ïa kane ka surok. Namar kata ka Seng ha kine ki bnai ba la dep ka la leit ïa kynduh ïa u Chief Engineering jong ka tnad PWD bad ruh ïa u Minister In charge ka PWD u Bah Prestone Tynsong bad ki la kular ban khot tender biang ïa kane ka surok ha kine ki bnai ba la dep hynrei haduh mynta kim pat leh ei ei ïa kane ka surok.
