SHILLONG:
Ki nongtrei shet ja sngi hapoh ka lama jong ka All Meghalaya Mid-day Meal Workers Union ki la pynlong ïa ka jingïalang kaba lyngkot ha madan ïew rynghep Laitumkhrah haka 31 tarik Risaw 2022 ban dawa na ka sorkar ba kadei ban pynkiew noh ïa ka jingai sngewbha “honorarium” kaba 100 tyngka sha ka 2000 tyngka na ka pla tyngka jong ka jylla.
Lah ban kdew ba ki katto katne ngut napdeng kine ki nongtrei ki la shah pakhang lynti noh ha shuwa ban poi ha kane ka madan. Hynrei watla katta da ki spah ngut ki la poi ban ïa lum lang ha katei ka jaka na kylleng ki district jong ka jylla.
Ha kajuh ka por, ka MLA napoh ka East Shillong ka kong Ampareen Lyngdoh ruh ka la wan ban ïuh kjat ha ka jingialang jong ki. Na ka liang ka MLA ka la pan por 7-10 sngi ban buddien ïa kane ka jingdawa jong ki da ka jingkular ba kan sa pynkynjoh ktien lem sha ka sorkar.
Shuh shuh ki nongtrei ki la duh ïa ka tulop lane ka honorarium lah 5 bnai naduh u bnai naitung, nailar, nailur haduh risaw.
