SHILLONG:
Ha ka sngi rakhe ïa ka International Day Against Drug Abuse bad Illicit Trafficking, u Myntri Rangbah ka Meghalaya u Conrad K Sangma u la iathuh shaphang ka jinglap ïa ka jingkynrei ki nongdih drok ha ka jylla.
U la kdew ba ki la don haduh 3,00,000 ngut ki samla ba hapdeng 19 bad 20 snem kiba dih drok ha ka jylla bad 40,000 ngut ki briew kiba la kyrni ha kine ki jingdih buaid.
U Myntri Rangbah u la ïathuh halor ka jingthawlad ka sorkar ban rat dyngkhong ïa kine lyngba ka Drug Reduction Elimination and Action Mission (DREAM). Ïa ka DREAM la plie da ka tnad Social Welfare da ka jingthmu ban tehlakam ïa ka jingeh na ka jingjyllei kiba dih drok ha Meghalaya.
U Myntri Rangbah u la kdew ïa ka jinglut ban pyntreikam ïa ka DREAM kaba la kot sha ka T.10 klur shisnem bad baroh kin kot sha ki T.50 klur ha ki san snem ban wan.
U Conrad Sangma u la kyntu ruh ïa ki sengbhalang, ki Balang bad ki shlem ai jinghikai, ki nongïalam paidbah bad ki seng bapher bapher ban ïaleh pyrshah ïa ki jingdih drok.
