SHILLONG:
U Assistant Inspector General (Administration) barim ka tnad pulit u Bah Gabriel K Iangrai uba shah wengkam shipor halor ka jingkynnoh bamsap, ha ka 9 tarik Kyllalyngkot u la leit ban mudui sha ïingkashari Supreme Court ban ioh jamin.
Ïa kane la pyntip da u nongïasaid Aiñ jong u Bah Gabriel K Iangrai, u Phuyosa Yobin u ba la ïathuh ba ka Supreme Court, ha ka 9 tarik Kyllalyngkot ka la phah ka jingbthah halor ka jingpan jamin jong u Bah Iangrai.
Lah ban kdew hangne, ba u Bah Gabriel K Iangrai, u ba bat ïa ka kam kum u Commandant ka SF-10 battalion, ula shah kem noh ha ki bor pulit ha ka ha ka 2 tarik Naiwieng 2022 halor ka jingkynnoh donkti ban pyndonkam bakla ïa ka pisa ba la mang ban pyntrei ïa ka National Emergency Response System (NERS) building ha Sadar police station, Shillong.
U nongïasaid aiñ jong u Bah Ïangrai u Yobin, ula pyntip ba ka iingkashari Supreme Court ka la pynmih ïa ka jingpynbna bad buh ruh ïa ka tarik ban shong bishar halor kane ka bynta.
U Yobin u la ong, “Shuwa kane, ïa ka jingpan jamin na ka bynta u Bah Iangrai la kyntait haduh arsien da u Special Judge bad kumjuh da ka ïingkashari Meghalaya High Court, kaba la pynbor ban leit pan jamin na ïingkashari Supreme Court”.
