MAWKYRWAT:
Ka Dr. Ampareen Lyngdoh Myntri ka koit ka khiah jong ka sorkar jylla Meghalaya hynnin ka sngi ka 7 tarik u Nohprah 2023 ha ryngkat da ka jingïadonlang u Bah Renikton L. Tongkhar uba dei u MLA ka Mawkyrwat Constituency, u bah I. Lawryniang BDO ka C&RD Block Mawkyrwat, u Dr. F.R. Lartang DHMO, u bah Kitborlang Nongrem u State President NPYF bad kiwei de ki ophisar sorkar ki la hiar sha ka shnong Mawkhyrwang South West Khasi Hills District ka shnong ka bym shem la don ïa ka surok kali da kaba ki hap ban kiew ban hiar ïa ka lynti ïaid kjat kaba khohruh khohram hapdeng u slap ha kaba ka la shim por ha duh 3 kynta eiei haduh ban da poi ban ïoh ban plie ïa ka Mawkhyrwang Health Sub-Centre.
Ka Dr. Ampareen haba kren ha kane ka sngi kala ong ba ka sorkar MDA II ka la pyrshang ban wanrah shibun ki kam pynroi hapoh ka jylla ban pynsuk ïa ki paidbah khamtam ban pynbun ïa ki jaka sumar ban plie ïa ki Health Sub-Centre ha ki kyndong kynshrot khnang ba ki paidbah kin dup suk ban ïoh ka ka jingsumar kaba bha tam ha ka koit ka khiah, la bynrap ruh da kaba ong ka jingleh khuid ka long kaba donkam tam hynrei ka jingjaboh bad ka jing bym lehkhuid ka dei ka wei ka pop.
Ha kaba ïa dei bad ki dawai da shin yn sa pyndonkam da ki drone ban pynpoi ïa ki dawai sha kane ka Mawkhyrwang Sub-Centre kaba don kumba 6 tylli ki shnong. Shuh shuh kala ong ba hapoh shi bnai nga kwah ban ïoh i ba kane ka Sub-Centre kan ïoh ban pynkha khyllung bad la bthah ïa ki Nurse ban phah ïa ka dur jong i khyllung ba pynkha nyngkong ha kane ka Sub-Centre.
