SHILLONG:
Ki nongkitkam ka Dorbar Shnong Mawlai Mawiongrim, mynta ka 14 tarik Nailur 2023, ki la leit ban ïakynduh ïa ka Deputy Commissioner ka East Khasi Hills ka Kong R M Kurbah bad aipor 15 sngi ïa ka ophis deputy commissioner (DC) ban weng noh ïa u Dewiong u bala pyllang harud surok bah ha Mawlai Mawïongrim.
Ha ba kren sha ki lad pathai khubor u Rangbah Shnong ka Mawlai Maiongrim u Bah S. Lyngdoh hadien ka jingïakynduh bad ka DC u la ong ba na ka liang ka dorbar shong Mawlai Mawiong rim ka la ai por 15 sngi ïa ka ophis ka DC ban pynkhuid noh ïa u dewiong u ba ki la pynlang ha rud surok bah ha kane ka shnong.
“Une u Dewïong u ba ki la wan ban pynlang ha kane ka shnong u la don 8 snem tam mynta bad ka buh jingeh ïaki nong shong shnong namar ka pynjaboh ïa ka umbam umdih, ki pung dohkha bad ïa ka mariang baroh kawei bad Kum ka Dorbar Shnong ngi sngew khia bad dei namar kane ngi la ai por 15 sngi ïaka ophis DC ban weng noh ïa u Dewiong na kane ka jaka, lym kumta ka Dorbar Shnong ka shim da kiwei ki sienjam ba tyngeh” u la ong. U rangbah shnong ka Mawlai Mawïong u la ïathuh ba ha ka jingïakynduh mynta ka sngi bad ka DC ka la kular sha ka dorbar Shnong ba kan lilam noh ïa une u Dewïong hapoh 1 taiew bad naka liang ka Dorbar Shnong ruh kan ïai buddien ïa haba ïadei bad kane ka kam.
