SHILLONG:
Ka District Social Welfare, East Khasi Hills lem bad ka ophis jong ka District Medical bad Health Officer, East Khasi Hills, Shillong, ki la pynlong ïa ka jingkynmaw burom ïa ki riew tymmen ha Mawkdok Community Hall, Laitkroh Khatarshnong, Community bad Rural Development Block, ha ka 1 tarik Risaw, 2022.
Ha kane ka sngi kumba 100 ngut ki riew tymmen ki la wan ïashim bynta na kylleng ki shnong ka Laitkroh-12 shnong.
Ha kane ka sngi, ka tnad ka la pynlong ïa ka jingpynkup burom ba kyrpang ruh ia iwei i tymmen iba la kynjoh sha ka 102 snem ka rta, iba dei na ka shong Laitlyngkot, iba kyrteng i meiieid Klin Kharbuli.
La kha ïa ine i meiieid ha u snem 1922 bad ha u snem 1970, i la sdang ban pyndonkam ïa ka sap ba u Blei u la ai ha i, ha kaba i la long iwei na ki nongkhem ba pawnam, khamtam ha ka jingai jingsumar ïa ki riew kynthei bad ïa ki riew rangbah ruh kumjuh.
Ine i meiieid i don san ngut ki khun, 20 ngut ki khun ksiew, 52 ki khun miaw bad san ngut ki khun khnai, kat haduh mynta.
