MAWKYRWAT:
Ka Ranikor Beach Festival ba la pynïaid da ka Officer Club ka la kut noh ha ka miet jong ka 20 tarik Kyllalyngkot, 2024, ha kane ka sngi kut jong ka Ranikor Beach Festival la ïa don lang da u Myntri jong ka tnad Tourism, u Bah Paul Lyngdoh, u Myntri jong ka Revenue and Disaster Management jong ka Sorkar Jylla u Bah kyrmen shylla, u MLA ka Ranikor u Bah Pius Marweiñ lem kawei kiwei de ki ophisar sorkar.
Kane ka Tamasa lehkmen ka la long kaba ïaid beit ïaid ryntih naduh ka sngi sdang haduh ka sngi kut nalor ki nongput nong tem bad ki nongrwai la pynshong shit shuh shuh ïa kane ka Ranikor Beach Festival daki jinglehkai bapher bapher kiba napoh ka jylla, bad ban pynshongshit da ka jingtem DJ kaba na ka ri Russia. Kane ka jingpynlong ïa ka Ranikor Beach Festival ka long ruh kum shibynta ban rakhe lehkmen ïa ka Meghalaya Day jong ka jingdap 52 snem naduh ba la ïoh ïa ka jylla Meghalaya kaba pura.
