SHILLONG:
U Myntri Rangbah u Conrad K Sangma, ha ka 30 tarik Jylliew u la ong ba ka sorkar jylla ka don barabor ha ka jingïakren bad ka sorkar India ban ai ïa ki jingsngew bad ki jingai jingmut halor ka jingthmu ban pynkylla ïa ka 6th Schedule.
U Sangma u la ïathuh ruh ba ka sorkar ka ju ïakren barabor bad ki district council, bad u la ong, “Ki don katto katne ki bynta ha kaba ngi la ïohi ba la lah ban pynbeit haduh 95 per cent ki jingsngew khia; bad tang katto katne tylli ki mat ki dang sah bad ngin sa ïakren bad baroh ki Autonomous District Councils (ADCs).”
U la bynrap ruh da kaba ong, “Ngi kwah ban ïohi ba kane ka jingpynkylla, ynda la mynjur, yn lah ban pyndep.”
