SHILLONG:
Na ka jinglynshop ka jingpang sniehdoh ki jingri ba la tip kum ka Lumpy Skin disease (LSD) ka ktah ïa ki masi bad ki muid ha ka jylla. Haduh mynta la don kumba 5884 tylli ki masi ki la ïoh jingkoit na kane ka jingpang .
Katkum ka jingpyntip na u Secretary ka tnad Animal Husbandary & Veterinary u C.Manjunatha, la ïathuh ba haduh mynta ki la don haduh 8177 tylli ki masi ki ba la shah ktah ha ka jingpang Lumpy Skin disease (LSD) bad ki ba la ïoh jingkoit ki long 5884 tylli.
Ha kaba ïadei bad ki masi ki ba la ngat ha kane ka jingpang Lumpy Skin Disease bad ïap ki la poi haduh 101 tylli bad kumba 2192 tylli ki masi ki dei kiba dang don ïa kane ka jingpang Lumpy skin disease.
Haduh mynta ka tnad ka tnad Animal Husbandary & Veterinary ka ba la hiar sha kylleng ki thaiñ ban tehlakam bad ïada ïa ki masi na kane ka jingpang ki la ïoh ban ai injeck Vaccination haduh 28,595 tylli ki masi.
Kumban shu kdew hangne ba na ka liang ka Butcher Association of Meghalaya, ha ka 22 tarik u Jylliew 2023 ka la pyntip ïa ka jingsangeh shwa ban die ïa ka doh masi, na ka bynta shipor katba ym pat lah ban tehlakam ïa ka jinglong jingman halor ka jingpang Lumpy Skim Disease (LSD) ka ba la lyngshop ha ka jylla .
Ha ka ba ïadei bad ka jingpang ka ba la ktah ïa ki sniang kaba la tip kum ka African Swine Fever (ASF) ka tnad Animal Husbandary & Veterinary ka la ïoh lum jingkheiñ ka tnad ka dei ha ka 2 tarik Jylliew 2023, ki sniang ki ba na Ri Bhoi District ki la shah ktah ha ka ne ka jingpang .
Watla haduh mynta kam shem la don shuh kano kano ka jingujor halor ka jingdon ki sniang ba pang na kane ka jingpang hynrei haduh u bnai Kyllalyngkot 2023 ki sniang ki ba la ïap ki la poi haduh 238 tylli.
