SHILLONG:
U President ka Bharatiya Janata Party (BJP) Meghalaya, u Bah Ernest Mawrie, u la ai khublei kyrpang ïa ka sorkar Meghalaya Democratic Alliance (MDA) halor ka jingshimkhia jong ka ban sdang noh ïa ka jingïakren ïasuk bad ka seng kiengatiar ka Hynniewtrep National Liberation Council (HNLC).
Haba kren sha ki lad pathai khubor, u Bah Ernest u la ong ba namar ka jingshimkhia da u Myntri Rangbah duh ka ri India u Narendra Modi na ka bynta ban wanrah ïa ki shong suk shnong shngaiñ ha ki jylla ba shathei lammihngi, la shim khai ban pynduh ïaki sengkieng atiar na kine ki thaiñ.
“U Myntri Rangbahduh ka ri India Narendra Modi, u ju ïaid ban ba ki kam pynroi hapoh ka jylla bad ka thaiñ Shathei Lammihngi, kan wan lyngba ka jingpynduh jait ïaki kam pyntriem bad kum ka Party ka kwah ban ïohi ba ka jylla kan kiew ha baroh ki liang bad kine baroh kin urlong lada ka shong suk shong shngaiñ ka neh hapoh ka jylla”.
U la ong, “Ka BJP kaba ïatreilang bad ka sorkar MDA, na ka bynta ban shimkhia ban pynpoi noh ïa ka seng kiengaitiar HNLC sha ka miej ban ïakren ïasuk kaba pura”.
Ha ka ne ka jingaikynduh bad ki ladpathai khubor u President ka Bharatiya Janata Party, u Bah Ernest Mawrie ula pynbna ba ka party ka la beh seng noh ïa u Chief Executive Member (CEM) barim ka Garo Hills Autonomous District Council (GHADC) u Boston Marak halor ka nongrim ba ka BJP ka pyrshah ïa ka kam bamsap ha ka Ri baroh kawei.
Kane ka jingbeh noh ïa u Boston Marak kadei hadien baka Meghalaya Lokayukta ka la Chargesheet halor ka jingkynnoh ba u don bynta haka kam bamsap.
Ha ba kren sha ki ladpathai khubor u Bah Ernest u la ong, “Kumba phi ïa tip baka BJP ka pyrshah jur ïa ki kam bamsap bad hadien baka Meghalaya kala Chargesheet ïa u Boston Marak kum u president ka Meghalaya BJP nga pynbna ba la beh seng ïa u”.
“U Boston u ba la bat kum u president ka Schedule Tribe Morcha bad naka liang ka Party kala dep phah ïa kane ka mat sha ka Disciplinary Committee ba kan shim ïa ki sienjam pyrshah ïa u Boston Marak” u la bynrap.
