MAWKYRWAT:
Ka Hynñiewtrep Youth’s Council (HYC) jong ka Mawkyrwat Circle naka bynta ka samoi treikam jong u snem 2023-2025 kaba kila pynlong ha ka 3 tarik u Jylliew sngi saitjaiñ jong ka taïew ka la ïoh ban pynthymmai ïa ki nongkitkam jong ka ha kaba u bah Lumlang Kharsyiemlieh, President ka HYC West Khasi Hills bad Socio & Cultural Secretary jong ka Central Body u la long kum u kongsan ha ka jingïalang ba la pynlong ha Dorbar Hall, Mawkyrwat, South West Khasi Hills District.
Ki nongkitkam ba thymmai jong ka Hynñiewtrep Youth’s Council (HYC) jong ka Mawkyrwat Circle la ioh President u bah Wallambor Nongsiej, Vice President u Welman K. Lynïong bad u Bonijune Shangpliang, General Secretary u Kyrpang Lyngdoh, Assistant Secretary u Thomas Thyrniang, Finance Secretary u Banteilang Wanniang, Organising Secretary u Rishotroi Kharjahrin, Publicity Secretary u Kendar Iawphniaw, Assistant Publicity Secretary u Viany Lyngdoh ha kaba ia kine ki dkhot ba thymmai jong ka HYC Mawkyrwat Circle la ïoh ban pyntiansmai da u President ka HYC West Khasi Hills bad uba bat ïa ka kam Socio & Cultural Secretary jong ka Central Body, u bah Lumlang Kharsyiemlieh
U bah Lumlang Kharsyiemlieh Haba kren kum u kongsan ha ka ne ka sngi ,la ong ba ka jing pynkhlaiñ ia ka seng ha ki bynta baroh naduh ki Unit haduh ka Central Body ka shong ha ka jing ia tylli bad ha ka jinglah jong ki dkhot ban ai ka jingïatreilang ha ki liang baroh. Kum ki samla ban ai ka jingshakri ka ri bad ka jaidbynriew la ngi don ka mynsiem ban trei hok ka Ri bad ka jaidbynriew ka im Kumta, u kyntu ïa ki nongkitkam ba thymmai jong ka HYC ba haba ki trei kum ki nongïalam ha ka Ri bad ka Jaidbynriew ki dei ban trei da ka mynsiem da kaba don ka jingïasngewthuh jingmut kata naduh ki Nongialam ki dkhot jong ka circle ki unit bad ka distrik haduh ka central body khnang ba kumno kin lah ban pynïaid ïa ki jingtreikam ha ki por baroh namar kam myntoi ba ka seng kan don shibun ki unit bad ki circle lada kim lah ban ai ka jingtreikam ha ka lynti kaba dei.
Namarkata, u la kyntu bad buh ruh ïa ki lai tylli ki mat ba kongsan ba kum ki dkhot jong ka seng ba ki dei ban don kata ka jingïatylli, ka jingïaieit, bad ka jingïashaniah iwei ïa iwei pat ha ki para dkhot bad lada kum ki dkhot jong ka seng ki don ïa kine ki lai tylli ki mat kan nym don kano kano ka lynti kaba wit ha ka jingïaid lynti ka jong ki ban shakri ïa ka ri bad ka jaidbynriew ia baroh ki kam ngin lah ban pyndep ba kan ym long tang ha shiteng lynti.
Shuh shuh u bah Lumlang Kharsyiemlieh unlanioh ruh ban kren halor ka jingjia ha kine ki sngi kum ki paid ka bri u Hynñiewtrep ki dang ialeh ha kaba ia dei bad ka rukom thung-kam thung-jam ne Reservation Policy, da kaba ong ba ngam kyrshan ïa ka party VPP hynrei u kyrshan ïa ka jingdawa ba kum ka ri bad ka jaidbynriew ka donkam ban wanrah noh ka jing kylla halor kane ka Reservation policy happoh ka jylla.
Ha kane ka sngi la ïoh ruh ka jingkren na ki katto katne ki riew rangbah kata na ub ah Wallam Syiemiong, Chairman ka Synjuk ki Seng Samla Shnong, South West Khasi Hills District, u bah S. Kharjahrin, Myntri Shnong Sakwang bad na u bah Mandelius Nongbri, Vice President HYC South West Khasi Hills District.
Ïa ka jingïalang la pynïaid da u bah Arbok Kharjahrin, President jong ka HYC South West Khasi Hills District bad kren khublei na u Wallambor Nongsiej, President ba thymmmai jong ka HYC Mawkyrwat Circle.9
