MAWKYRWAT:
U Symbud Myntri Rangbah ka Jylla u bah Prestone Tynsong u ba dei ruh u Myntri jong ka tnad PWD Road jong ka sorkar jylla Meghalaya haba leit jurip ïa ka surok na ka jingkieng Borbasing Ranikor South West Khasi Hills District kaba don kumba 4 kms tam eiei haduh ha lad jong ka Alikwareng ka ba la pynrit ïa ka surok na ka 2 lane sha ka Intermediate Road ba la pyntrei da ka Dhar Construction Company u la pynshai ba un sa ïa kren bad ki heh jong ka National Highway and Infrastructure Development Corporation Limited (NHIDCL) ban pyntrei biang da ka 2 lane ym ban shna tang da ka Single lane kumba mynta ïa kane ka surok ki la pyntrei shait shait tang da ka Single Lane.
Shuh shuh ha kaba ïa dei bad ka Surok Intermediate Road kala trei na ka shnong Wahkaji, Phlangdiloin ban pynpoi sha Ranikor ka la don ka jingïateh bad ki Consultant na ka bynta ban pynbeit ïa kane ban phah sha Delhi namar ka don ka jingkylla bad hadien kata kin sa ai ïa ka Details Project Report (DPR). Na ka bynta ka Second Phase la tikna ba kan ïaid beit.
Ha kane ka jingleit jurip ïa ka surok la ïa donlang ruh u Bah Pius Marweiñ u MLA ka Ranikor Konstitwensi, u Bah K.K. Mawa u Chief Engineer PWD Roads Meghalaya, u Bah T.Lyngwa u Deputy Commissioner SWKHD, u S.M.A Razi u IRTS Comissioner & Secretary PWD Government of Meghalaya bad kiwei kiwei de ki ophisar sorkar kyntyhup u Bah G.D. Kharwanlang u Superintendent of Police SWKHD.
