NEWYORK:
Kane ka jingpynpyrkhing ai Visa ka kynthup ruh ia kiwei ki nongrei jong ka Sorkar Taliban bad kum juh ruh ia ki briew shimet kiba don kti bad ka Sorkar Taliban ha Afghanistan ban lehbein lehkhoh ia ki kynthei jong katei ka ri.
U Secretary of State ka America, u Antony Blinken ha ka jingpathai khubor jong u, u la ong ba kane ka jingpynpyrkhing Visa ka long ki briew Sorkar jong ka Taliban ka long ban ai jingsneng ia ki halor ka jinglehbein lehkhoh ia ki kynthei bad kham tam ruh ia ka jingpynkhein ia ka hok longbriew manbriew ha Afghanistan. U la iathuh ruh ba kiba haiing hasem jong kito ki briew kiba don kti ha kaba khniot bein ia ki kyntei jong katei ka ri ruh kin ym ioh Visa na ka America.
U Antony Blinken u la iathuh ba ka Sorkar Taliban jong ka Afghanistan ka la kular ban yn ym don ka jinglehbein ia ki kynthei, hynrei, ki kam jong ka pat ki long markhongpong. U la ong ba kane ka jingbym burom ia ki kynthei ka paw shai kdar ba katei ka ri kam ailad ia ki kynthei ba kin pule ha ki kyrdan kaba kham shaneng bad ka shah ia ki kynthei ba kin pule tang ha ka kyrdan kiba shapoh ha ka kyrdan Secondary.
U la ong ruh ba ka Sorkar Taliban kam ailad ia ki kynthei ba kin ia shim bynta ha kiba kiba ia dei bad ki paidbah. U Antony Blinken u la kyntu ruh ia kiwei ki ri jong ka pyrthei ba ki dei ban leh lem kumba leh ka America, khnang ba ka Sorkar Taliban, ba kata ka jingleh jong ka, ka long kaba bym dei.
