MAWKYRWAT:
Ka kynhun nongñiah thuk thuk ka Ultimate legend Bikers Association (TULBA) ha ka 20 Tarik u Nohprah 2022 ka la pynlong ïa ka jingïaid Carol Christmas da ki thuk thuk na shillong ha Mawthawiang Nongtraw bad shaduh Mawkyrwat kum shi byhta ban lehkmen Khritsmas bad ban ïaleh kmen lang bad ki katto katne ki briew kiba duk bad kiba duna ha ka ïoh ka thaiñ Mawkyrwat.
U bah Kyrshanlang Nongbri u President TULBA Sohryngkham Unit u la ai ki jinghikai ba la shim na ka ktien jong u Blei ha kaba ïadei bad kane ka sngi ban lehkmen Khristmas da ka TULBA ha Mawkyrwat. “Ka jingrakhe sngi kha ïa u Jisu Khrist kam dei eh ba ngin pynlut ïa ka por ne ïa ka spah ka phew ban thied ïa ki riam kiba itynnad bad ba remdor, hynrei dei ban leh ei ei ïa kiwei ban noh synñiang ïa kiwei bad lehkmen bad kiba duk”.
U la ong ruh ba rakhe Khrismas ka dei ruh ban ïarap lem ïa kiba la ngop ha ki jingkyrni ha ka kyiad u drok ban ïasyllok ban ïoh ka jingkylla kaba mut.
Hadien ka jingïaid Carol Christmas kila ïoh ban pynlong ka jingïalang lyngkot ha Madan Balang Presbyterian Mawkyrwat ba la pynïaid da u bah Eveningstar Dkhar u Assistant Secretary TULBA sengkmie bad ki jingkren na u bah Kyrshanlang Nongbri bah Banbhalang Mawlong Organising Secretary Central body bad ka jing duwai na u Wankit Nongkynrih.