MAWKYRWAT:
Ka Khasi Hills Autonomous District Council mynta ka sngi ka 21 tarik u Naiwieng 2023 ka la ïoh ban pynlong ïa ka Public Hearing kaba nyngkong hapoh jong ka South West Khasi Hills District lyngba ka Delimitation Committee na ka bynta ka Delimitation Bill na ka bynta ki 29 tylli ki Constituency kiba hap hapoh jong ka Khasi Hills Autonomous District Council jong ka jylla Meghalaya ha kaba ha kane ka sngi ki la don ki Myntri bad ki rangbah shnong na kylleng ki jaka kiba hap hapoh jong ka Ranikor Konnstitwensi bad na Mawkyrwat Konstitwensi kiba la wan ban pynsngew ha la ki jong ki jing sngew ki jong hapoh jong ka Ophis jong ka District Council South West Khasi Hills District kaba don ha Pyndenpar (Jakrem) South West Khasi Hills District.
Haba kylli na ki katto katne ki Myntri shnong kiba la wan sngap ha kane ka sngi halor kane ka bynta na ka liang u bah Kitborlang Nongrem Myntri shnong jong ka Shnong Rangthong u la ong ba ka jingpynbeit ïa ki shnong na kawei ka Konstitwensi sha kawei pat ka Konstitwensi kan jin da la bha ban leh hadien ba ka Amendment jong ka 6 Schedule, ha kaba u la ong ba kane ka jing thmu jong ka Khasi Hills District Autonomous Council ban wad bniah ïa ki jingeh jong ki paidbah hapoh ki ar tylli ki Konstitwensi hapoh ka South West Khasi Hills District ngim pat sngew donkam ban ïakren ei ei mynta namar ba haba phai ha ki kam pynroi lada dei ha kano kano ka Konstitwensi ngi long hi kumjuh. Haba phai pat ban wanrah ïa ki jingeh jong ki shnong ban pynhap noh naka wei ka Konstitwensi sha ka wei pat ngi dang shem jingeh shibun namar ba ka South West Khasi Hills District ka don ar tylli ki Konstitwensi ka baheh bad ba ïar hynrei ngi tip ba ka dei ka lynti ïaid.
