SHILLONG:
U Symbud Myntri Rangbah ka jylla, u Bah Prestone Tynsong ha ka 22 tarik Lber u la ïathuh ïa ki dkhot ka ïingdorbar thawaiñ ba ka PWD ha kaba ïadei bad ka jingshna surok kaba kynthup ruh ïa ka jingrben jong ka surok la shna katkum ki kyndon ba la buh da ka Indian Road Congress (IRC).
Haba jubab ïa ka jingkylli ba la wanrah da u dkhot ka liang pyrshah, u Bah Celestine Lyngdoh, uba long na ka seng Congress uba kwah ban ïoh jingtip shaphang ka jingrben jong ki surok ba shna da ka PWD, u Bah Prestone ula batai shuh shuh da kaba ong ba ka jingshna ïa ki surok nongkyndong da kaba pyntrei kam ïa ka skim Pradhan Mantri Gram Sadak Yojana, ka PWD ka bud ïa ki jingbthah jong ka Rural Road Manual, 2002 (SP-20) jong ka Indian Road Congress.
