SHILLONG:
Ar tylli ki ïing Assam Type ki la pluh na ka jingkem kynsan ka ding mynta ka janmiet, ha Laban kaba don hajan ka Laban Bengalee Girls’ Higher Secondary School.
Ha kane ka jingjia ym don ei ei ka jingmynsaw lait noh ki tiar ki tar, ka laptop, pisa ki la ïingkhong lut.
Haba kren bad ki katto katne ki lad pathai khubor, ka trai ïing jong kane ka ïing ka Kong Bijoya Wahlang ka la pynpaw ka jingsngewsih ïa kane ka jingjia, “Dei tang kane ka jingmih jong nga bad kine kiba shong wai ki long kiba bha hynrei nga ruh kaba duk ngam tip kumno ngan leh ïa kine kiba pli bad nangne shakhmat”.
Shuh shuh ka la bynrap, “Mynta kawei na kine ki longiing kin shong kin sah bad kiba haiing hasem bad kine kiwei pat kin shong bad nga”.
Hadien kane ka jingjia na ka liang ka Red Cross Society ki la wan ban ïarap da ki tiar kynthup ki Blanket, ki Borti, ki Tarpaulins bad kiwei ki tiar jingdonkam.
Ha kawei pat ka liang ki pulit kin ap ïa ka tnad kynhun pynlip ding (fire and emergency services team) ban tohkit bniah na kaei ka daw ka pluh kane ka ïing khnang ban ïoh leh ïa kaba donkam.
