NONGPOH:
Ka long kaei kaei kaba sngew sangsot, ha kaba lai ngut ki heprit kiba dang hapoh ka saw snem, ki la duhnoh ïala ka jong ka jingim ha ka jingjia ba sngewsih bad kaba la jia ha ka 11 tarik Kyllalyngkot ha shnong Khliehumtrew ha Ri Bhoi.
Katei ka jingjia, ka la jia ha ka por 2 baje eiei janmiet bad katei ka jingjia ka la jia ha ka por ba kitei ki heprit ki dang ïalehkai ha u skum kba, hynrei ha kaba kum katei ka por ba ki dang lehkai, la don uwei na kitei ki heprit uba la khlad noh, u la kum wiang ding ïa u skum kba da u dieng kyndok jingpruid bad kaba la pynlong ïa kitei kiwei pat kiba don hapoh utei u skum kba ba kim shym la lah ban mih noh shabar ka ding, tad haduh ba kin da duh noh ïala ka jong ka jingim.
Ki tyllong khubor, ki ïathuh ba halor katei ka jingjia jong ki jingkhlad kitei ki 3 ngut ki heprit, uwei u dei uba dang 2 snem ka rta bad ki arngut pat ki dei kiba dang 3 snem bad kiba dei ki khun synrap.
