SHILLONG:
Kawei ka jingjia pluh ding ha shnong Mawlam kaba hap ha thaiñ Pynursla ha kaba u kpa bad 3 ngut ki la duh ei ïa la ka jong ka jingim katba ka kmie bad 2 ngut ki khun kynthei ki la lait im, ha ka por mynstep jong ka 19 tarik Rymphang.
Ki pulit ki ïathuh ba katkum ka jingtip ba ki la ïoh kumba 3:30 mynstep na Sub Divisional Police Officer Pynursla, u rangbah shnong jong ka Mawlam u la pyntip kumba 1:30 mynstep ka la don ka jingpluh ding ha por kumba 1.30 am ha ka ïing ka kong Phanglang Khongkhnian 33 snem ka rta ka lok jong u Bah Etan Tynsong.
U Bah Etan lem bad ki 3 ngut ki khun kata 2 ngut ki dei ki shynrang ha ka rta ba 10 bad 6 snem bad kawei ka khun kynthei kaba dang 4 snem ka rta ki la khlad noh na kane ka jingjia.
Katba ka lok jong u Bah Etan ryngkat bad ki arngut ki khun kynthei ki la lait noh namar ki thiah la ka jong ka kamra.
Ha kane ka jingtohkit ki pulit ki la lap ba kane ka jingpluh ding ka wan na kamra Iingshetja bad ka la pur sha kiwei ki kamra.
